Mae’r Awdurdod Gweithredol Iechyd a Diogelwch wedi cyhoeddi canllawiau amrywiol a allai fod yn ddefnyddiol i’ch busnes.
Mae’n cynnwys gwybodaeth am:
- defnyddio cyfarpar diogelu personol a masgiau wyneb yn y gwaith – canllawiau ar gyfer gweithwyr gofal iechyd, gan gynnwys profion maint wyneb a chyngor ar gyfarpar diogelu personol ar gyfer gweithwyr nad ydyn nhw’n weithwyr gofal iechyd
- rheoleiddio iechyd a diogelwch galwedigaethol – amlinelliad o ddull rheoleiddio’r Awdurdod Gweithredol Iechyd a Diogelwch yn ystod yr argyfwng
- ffitrwydd ac asesiad meddygol deifwyr – pryd dylid ailddechrau deifio ar ôl haint COVID-19 a threfniadau ar gyfer asesiadau meddygol
Mae’n bwysicach nawr nag erioed i fusnesau gymryd agwedd ragweithiol wedi’i chynllunio at reoli risg er mwyn i’w busnesau allu dal ati i weithredu’n ddiogel yn ystod yr argyfwng coronafeirws.
Mae taflen ‘Arwain iechyd a diogelwch yn y gweithle’ (INDG417) Sefydliad y Cyfarwyddwyr a’r Awdurdod Gweithredol Iechyd a Diogelwch yn nodi’r egwyddorion i helpu arweinwyr ym mhob diwydiant i ddefnyddio’r dull ‘Cynllunio, Gwneud, Gwirio, Gweithredu’ er mwyn cadw eu gweithleoedd yn ddiogel.
Gellir lawrlwytho'r daflen am ddim ac mae’n gymwys i sefydliadau o bob maint.
Am y wybodaeth a’r cyngor diweddaraf, ewch i microwefan coronafeirws yr Awdurdod Gweithredol Iechyd a Diogelwch.