Mae Diwrnod Rhyngwladol Menywod yn ddiwrnod byd-eang sy’n dathlu cyflawniadau cymdeithasol, economaidd, diwylliannol a gwleidyddol menywod.
Mae’r diwrnod hefyd yn alwad i weithredu er mwyn cyflymu cydraddoldeb rhwng y rhywiau. Gwelir gweithgarwch sylweddol ledled y byd wrth i grwpiau ddod ynghyd i ddathlu cyflawniadau menywod neu ymgyrchu dros degwch i fenywod.
Mae Diwrnod Rhyngwladol Menywod, a ddethlir yn flynyddol ar 8 Mawrth, yn un o ddiwrnodau pwysicaf y flwyddyn i:
- ddathlu cyflawniadau menywod
- addysgu a chodi ymwybyddiaeth o gydraddoldeb i fenywod
- alw am newid cadarnhaol sy’n hybu menywod
- lobïo dros gyflymu cydraddoldeb rhwng y rhywiau
- codi arian i elusennau sy’n canolbwyntio ar fenywod
Beth yw thema ymgyrch Diwrnod Rhyngwladol y Menywod 2024?
Thema Diwrnod Rhyngwladol y Menywod (IWD) 2024 yw Ysbrydoli Cynhwysiant.
Pan fyddwn ni’n ysbrydoli pobl eraill i ddeall a gwerthfawrogi cynnwys menywod, rydym yn creu byd gwell.
A phan fydd menywod eu hunain yn cael eu hysbrydoli i gael eu cynnwys, ceir ymdeimlad o berthyn, perthnasedd a grymuso.
Nod ymgyrch #YsbrydoliCynhwysiant (#InspireInclusion) yw creu byd mwy cynhwysol ar gyfer menywod.
Cewch ddysgu mwy am thema ymgyrch Diwrnod Rhyngwladol y Menywod 2024 yma: IWD: International Women's Day 2024 campaign theme: "Inspire Inclusion" (internationalwomensday.com)
P’un ai’n cynnal digwyddiad, yn rhedeg ymgyrch, yn lansio menter, yn adrodd llwyddiant, yn rhoi i elusen sy’n canolbwyntio ar fenywod, neu fwy – mae sawl ffordd y gall grwpiau ac unigolion nodi Diwrnod Rhyngwladol Menywod.
I gael rhagor o wybodaeth, dilynwch y ddoleni ganlynol: IWD: About International Women's Day (internationalwomensday.com)