Cynhelir yr Eisteddfod Genedlaethol, gŵyl ddiwylliannol fwya'r wlad, yn Nhregaron, Ceredigion rhwng 30 Gorffennaf a 6 Awst 2022.
Er mai cystadlu yw calon yr ŵyl, a’i bod yn denu dros 6,000 o gystadleuwyr bob blwyddyn, mae'r Maes ei hun wedi tyfu a datblygu'n ŵyl fywiog gyda channoedd o ddigwyddiadau a gweithgareddau i'r teulu cyfan.
Mae'r Brifwyl yn denu tua 150,000 o ymwelwyr bob blwyddyn, felly bachwch ar y cyfle hwn i hyrwyddo'ch busnes i gynulleidfa Gymraeg yn bennaf, drwy logi stondin fasnach yn Eisteddfod Genedlaethol Ceredigion.
Y dyddiad cau ar gyfer gwneud cais i logi stondin fasnach yw 1 Mai 2022. Bydd arddangoswyr yn gallu dewis eu lleoliad, ond bydd angen llenwi ffurflen gofrestru ar-lein a thalu blaendal o £250 + TAW (£300) yn gyntaf. Am ragor o wybodaeth, ewch i Stondinau | Eisteddfod Genedlaethol
Dyfernir consesiynau arlwyo'r Eisteddfod Genedlaethol ar sail tendr. Am ragor o wybodaeth ewch i Consesiynau Arlwyo 2022 | Eisteddfod Genedlaethol. Y dyddiad cau yw 6 Ebrill 2022 am hanner dydd.
Dalier sylw!
Mae'r Brifwyl yn hel ei phac i Wynedd, Llŷn ac Eifionydd rhwng 5 a 12 Awst 2023. Am ragor o wybodaeth ewch i 2023 Llŷn ac Eifionydd | Eisteddfod Genedlaethol.