Rhaid i bob cwmni cyfyngedig, os ydynt yn masnachu ai peidio, gyflwyno cyfrifon i Dŷ'r Cwmnïau bob blwyddyn. Mae hyn yn cynnwys cwmnïau segur.
Cyfrifoldeb y cyfarwyddwyr yw ffeilio cyfrifon eu cwmni, a sicrhau eu bod yn cael eu ffeilio ar amser. Mae’n bwysig deall eich rôl a sut y gallai ffeilio hwyr effeithio ar eich cwmni.
Gallai methu eich dyddiad cau ffeilio effeithio ar eich sgôr credyd neu fynediad at gyllid. Gall effeithio ar sut mae eraill yn edrych ar eich cwmni ac os ydynt am wneud busnes gyda chi. Mae cosbau ariannol a chanlyniadau cyfreithiol hefyd - gallech gael cofnod troseddol, dirwy neu anghymhwyso.
Os ydych chi’n cyflogi cyfrifydd i ffeilio cyfrifon eich cwmni, eich cyfrifoldeb chi o hyd, fel cyfarwyddwr, yw sicrhau eu bod yn cael eu ffeilio ar amser.
I gael rhagor o wybodaeth, dewiswch y ddolen ganlynol: Ffeilio eich cyfrifon yn gynnar ym mis Rhagfyr i osgoi cosb - GOV.UK