Mae Bwrdd Iechyd Prifysgol Aneurin Bevan (BIPAB) eisiau gweithio gyda mwy o wasanaethau adeiladu lleol i gynorthwyo gyda chynnal a chadw ei safleoedd.
Gydag oddeutu 77 eiddo ledled Gwent, yn amrywio o rai a adeiladwyd cyn 1900 i ysbytai gofal dwys cwbl weithredol, mae cynnal a chadw adeiladau’r Bwrdd Iechyd yn dasg enfawr.
O ganlyniad, mae tîm Ystad BIPAB eisiau cydweithio â Busnesau Bach a Chanolig lleol i gynorthwyo gyda phrosiectau mân weithfeydd, a'u cyflawni.
Mae hwn yn gyfle gwych i wasanaethau adeiladu lleol weithio gyda’r Bwrdd Iechyd, i gynorthwyo i gynnal a chadw a gwella eu safleoedd i sicrhau gofal o ansawdd i gleifion ac amgylcheddau gweithio diogel i staff.
Mae’r Fframwaith a Thendr Mân Weithfeydd yn fyw tan 12pm ar 14 Gorffennaf 2023.
Gellir dod o hyd i ragor o wybodaeth ar hysbysiad GwerthwchiGymru, ac mae dogfennaeth lawn y tendr ar gael drwy etenderwales: e-tendering portal for Value Wales (bravosolution.co.uk)
Mae BIPAB yn chwilio am fusnesau sy’n gweithredu mewn ystod eang o fân waith adeiladu, gan gynnwys:
- Gwaith Adeiladu Cyffredinol
- Lloriau
- Nenfydau
- Paentio ac Addurno
- Gwaith Trydanol
- Gwaith Mecanyddol
- Drysau Tân
- Rhaniadau Tân
- Toeau
- Ffenestri a Gwydro
- Diogelwch (CCTV, Rheoli Mynediad, Ymwthwyr)
- Awyru
- Nwy meddygol
- Cloddio a Pheirianneg Sifil
- Gwaredu Asbestos
- Dymchwel
Am unrhyw gwestiynau neu ymholiadau, e-bostiwch: Rachel.Jones43@wales.nhs.uk