Bu’r Gwasanaeth Iechyd Gwladol yn y rheng flaen wrth ymateb i effaith Covid 19, a bu galw mawr am gyfarpar diogelu personol, cyfarpar meddygol, diagnosteg a thechnolegau digidol. Mae dulliau gweithio newydd ac arloesol wedi’u mabwysiadu ledled y sector, ac yn y digwyddiad hwn bydd siaradwyr yn ystyried sut y gallwn ddysgu o’r pandemig a’r hyn y mae’r argyfwng yn ei olygu ar gyfer prosesau caffael y GIG a chydweithio â diwydiant yn y dyfodol.
Bydd siaradwyr o bob rhan o’r maes caffael, arweinwyr arloesi GIG Cymru, gwasanaethau caffael, gofal iechyd seiliedig ar werth a’r llywodraeth yn trafod pynciau fel prynu, mabwysiadu dulliau arloesol a chadernid y gadwyn gyflenwi ar gyfer technolegau iechyd.
Cynhelir y digwyddiad hwn ar Zoom ar 21 Ionawr 2021 rhwng 1pm a 3.30pm.
Ni chodir tâl ar aelodau MediWales i fynychu’r digwyddiad, a’r gost i’r rhai nad ydynt yn aelodau yw £95 + TAW.
Ewch i wefan MediWales i gael rhagor o wybodaeth.