O Orffennaf 2022, bydd angen cynnal archwiliadau ffisegol ac adnabod ac archwilio tystysgrifau a dogfennau ar gynnyrch anifeiliaid sy’n cael eu mewnforio i Brydain Fawr o’r Undeb Ewropeaidd. Mae Adran yr Amgylchedd, Bwyd a Materion Gwledig (Defra) Llywodraeth y DU am roi gwybodaeth i fusnesau cyn bod y mesurau rheoli mewnforion yn cael eu cyflwyno ym mis Gorffennaf.
Bydd Defra’n cynnal cyfres o weminarau a sesiynau holi ac ateb fydd yn rhoi gwybodaeth fanwl am y camau y bydd angen ichi eu cymryd i barhau i fewnforio cynnyrch anifeiliaid o’r UE. Byddwch yn cael cyflwyno hyd at dri chwestiwn pan fyddwch chi’n cofrestru a byddwn yn ceisio eu hateb yn ystod y weminar.
Cewch gofrestru nawr ar gyfer y gweminarau canlynol:
Mewnforio cig a chynhyrchion cig o’r UE i Brydain Fawr
- Dyddiad: 26 Ebrill 2022
- Amser: 10am – 12pm
- Cofrestrwch yma: Webinar (microsoft.com)
Mewnforio sgil gynhyrchion anifeiliaid o’r UE i Brydain Fawr
- Dyddiad: 28 Ebrill 2022
- Amser: 2pm – 4pm
- Cofrestrwch yma: Webinar (microsoft.com)
Mae Defra am gynnal gweminarau am gynhyrchion anifeiliaid eraill fel llaeth, pysgod a chynnyrch cyfansawdd a bydd yn rhoi manylion ichi amdanyn nhw cyn hir. Cofrestrwch ar gyfer y Newyddlen Mewnforion er mwyn cael yr wybodaeth ddiweddaraf.
Rhagor o wybodaeth
Mae Defra wedi datblygu Microsafle ar Fewnforion sy’n cadw gwybodaeth (cwestiynau cyffredin, mapiau proses, canllawiau) am fesurau rheoli mewnforion. Bydd angen caniatâd arnoch i fynd ar y safle. Cliciwch ar y ddolen uchod i gael caniatâd.
Dysgwch fwy am fewnforio bwyd a diod o'r UE i Brydain Fawr ar gov.uk