Mae’r gwobrau hyn yn dathlu’r busnesau bwyd a diod gorau yng Nghymru, ac mae 2024 yn nodi trydedd flwyddyn y gwobrau, a gynhelir y tro hwn yn Abertawe. Mae’r gwobrau’n rhoi cyfle gwych i gwmnïau o’r fferm i’r fforc arddangos eu brand, eu cynnyrch, eu cynlluniau a’u pobl, gan bwysleisio’r hyn sy’n eu gwneud yn wahanol i’w cystadleuwyr.
Er mwyn bod yn gymwys i gymryd rhan, rhaid i fusnesau gydymffurfio â’r amodau canlynol:
- Roedd y busnes wedi dechrau masnachu cyn 9 Mai 2023 neu ar y dyddiad hwnnw
- Mae’r busnes wedi’i leoli yng Nghymru
- Mae’r busnes yn talu ardrethi busnes i’w gyngor lleol yng Nghymru
Mae’r categorïau fel a ganlyn:
- Prentis y Flwyddyn
- Busnes Artisan y Flwyddyn
- Gwobr Gwytnwch Busnes
- Cynhyrchydd Diodydd y Flwyddyn (dros 5 o weithwyr)
- Cynhyrchydd Bach Diodydd y Flwyddyn (llai na 5 o weithwyr)
- Entrepreneur y Flwyddyn
- Allforiwr y Flwyddyn
- Cynhyrchydd y Flwyddyn o’r Fferm i’r Fforc
- Cynhyrchydd Bwyd y Flwyddyn
- Gwobr Arloesedd
- Gwobr Cymuned Leol
- Seren Esgynnol y Flwyddyn
- Cwmni’r Flwyddyn am Ehangu
- Cwmni Newydd y Flwyddyn
- Gwobr Gwerthoedd Cynaliadwy
- Hyrwyddwr Bwyd a Diod Cymru
- Busnes y Flwyddyn, Uwchsgilio ym maes Bwyd a Diod yng Nghymru
Y dyddiad cau ar gyfer ceisiadau yw 5pm ar 23 Chwefror 2024.
I gael rhagor o wybodaeth a gwneud cais, dewiswch y ddolen ganlynol: Food and Drink Awards