Mae Gwobrau'r Brenin ar gyfer Menter yn cael eu cyflwyno ar gyfer cyflawniad rhagorol gan fusnesau'r DU yn y categorïau canlynol:
- arloesedd
- masnach ryngwladol
- datblygu cynaliadwy
- hyrwyddo cyfleoedd drwy symudedd cymdeithasol
Os byddwch chi'n ennill, byddwch chi’n:
- cael eich gwahodd i dderbyniad Brenhinol
- derbyn y wobr yn eich cwmni gan un o gynrychiolwyr y Brenin, sef Arglwydd Raglaw
- gallu chwifio baner Gwobrau'r Brenin yn eich prif swyddfa, a defnyddio'r arwyddlun ar eich deunyddiau marchnata (er enghraifft ar eich deunydd pacio, hysbysebion, deunydd ysgrifennu a gwefan)
- derbyn Grant Penodi (tystysgrif swyddogol) a thlws crisial coffaol.
Mae'r gwobrau'n ddilys am 5 mlynedd.
Mae'r enillwyr wedi dweud eu bod wedi elwa o gydnabyddiaeth fyd-eang, mwy o werth masnachol, mwy o sylw yn y wasg a hwb i ysbryd staff.
Mae modd gwneud cais ar gyfer Gwobrau'r Brenin ar gyfer Menter yn rhad ac am ddim. Gallwch wneud cais ar gyfer mwy nag un wobr.
Y dyddiad cau ar gyfer cyflwyno ceisiadau yw 1pm ar 12 Medi 2024.
I gael mwy o wybodaeth ac i wneud cais, cliciwch ar y ddolen ganlynol: The King's Awards for Enterprise: About the awards - GOV.UK