Bydd Gwobrau Diwydiant Chwaraeon Cymdeithas Chwaraeon Cymru (WSA) 2025 yn cael eu cynnal ddydd Iau 12 Mehefin 2025 – dathliad o'r goreuon yn niwydiant chwaraeon a hamdden Cymru!
Bydd gwobrau eleni unwaith eto yn cydnabod ac yn hyrwyddo mentrau a llwyddiannau aelodau’r gymdeithas, ac yn gyfle i rannu’r modelau a’r strategaethau arfer gorau sy'n helpu sector chwaraeon a hamdden Cymru i ddatblygu. Ac ar gyfer 2025, bydd categori gwobr newydd ochr yn ochr â'r wyth categori gwreiddiol!
Dyma’r Gwobrau Diwydiant Chwaraeon WSA sydd ar gael ar gyfer eleni...
- Y Fenter Cydraddoldeb, Amrywiaeth a Chynhwysiant Orau
- Y Fenter Orau i Hyrwyddo Menywod mewn Chwaraeon a Gweithgarwch Corfforol
- Gwobr am yr Arloesi Gorau
- Yr Ymrwymiad Gorau i'r Gymraeg
- Y Fenter Cynaliadwyedd Orau
- Y Fenter â’r Effaith Gymdeithasol Orau
- Y Fenter Cydweithredu Orau (Cyfranogiad, Nawdd neu Ymgysylltu ag Aelodau)
- Yr Ymgyrch Fwyaf Dylanwadol (Cyfathrebu, Cysylltiadau Cyhoeddus neu Eiriolaeth)
- Gwobr am y Twf Gorau
Mae’r ceisiadau ar gyfer Gwobrau Diwydiant Chwaraeon WSA 2025 ar agor ar hyn o bryd a byddant yn cau ar 24 Mawrth 2025.
Am fwy o wybodaeth, dilynwch y ddolen ganlynol: WSA Sports Industry Awards 2025