Yn y DU mae ystod eang o grefyddau gwahanol y gall fod angen i gyflogwyr a gweithwyr eu deall yn ogystal â sut y gallant effeithio ar y gweithle o bryd i’w gilydd.
Mae’n bosib y bydd un o fisoedd mwyaf sanctaidd y calendr Islamaidd, Ramadan, yn dechrau ar nos Fercher 22 Mawrth ac yn dod i ben ar nos Wener 21 Ebrill. Mae hyn yn golygu y bydd Eid al-Fitr 2023 yn cael ei ddathlu ar ddydd Gwener 21 Ebrill. Gan fod dyddiad dechrau Ramadan yn cael ei gadarnhau ar ymddangosiad y lleuad, gall y dyddiadau hyn amrywio o ddiwrnod.
Ramadan yw nawfed mis y calendr Islamaidd, ac mae’n cael ei ystyried gan Fwslimiaid ledled y byd fel mis o ymprydio, gweddïo, myfyrio a chymuned.
Mae gan lawer o weithleoedd weithwyr o gefndiroedd crefyddol a di-grefydd gwahanol.
Dyma rai enghreifftiau:
-
Diwali (Hindŵaeth)
-
Guru Nanak (Siciaeth)
-
Y Grawys (Cristnogaeth)
-
Pesach/y Pasg (Iddewiaeth)
-
Vesak (Bwdhaeth)
Gall annog mwy o ymwybyddiaeth a dealltwriaeth o’r cefndiroedd hyn dalu ar ei ganfed, yn enwedig wrth feithrin tîm. Gall hefyd helpu i leihau’r gamddealltwriaeth allai godi ac arwain at gwynion neu gamau disgyblu.
I gael rhagor o gyngor ac arweiniad, ewch i wefan: