Sut gallwn ni ddarparu cefnogaeth ddigidol o gwmpas ymyriad ac atal cynnar i blant a phobl ifanc rhwng 8-11 oed i feithrin gwytnwch yn eu hiechyd a’u lles emosiynol?
Bydd y ffrwd gwaith Iechyd, Lles a Gwytnwch Emosiynol (rhan o’r Rhaglen Trawsnewid Plant a Phobl Ifanc yng Ngogledd Cymru) yn datblygu fframwaith a fydd yn:
- Cwmpasu’r ‘Pum Ffordd at Lesiant’
- Yn ddwyieithog, yn unol â deddf yr Iaith Gymraeg
- Yn tanategu datblygiad adnoddau
- Cael ei fapio yn erbyn cerrig milltir datblygiadol plant 8-11 oed
- Yn canolbwyntio ar ymyriad cynnar i blant a’u teuluoedd
Mae gan bob sgil craidd neu ymddygiad frawddeg ‘Mi fedraf’ o safbwynt plentyn / unigolyn ifanc, rhiant neu ofalwr ac oedolyn dibynadwy arall.
Yr her SBRI yw i benderfynu ar y dull digidol mwyaf effeithiol i sicrhau bod cynnwys y fframwaith yn hygyrch i ddefnyddwyr sy’n cynnwys y plentyn / unigolyn ifanc, rhiant/gofalwr yn ogystal â gweithwyr proffesiynol, a bydd yn cael ei gynnal ar sail barhaus. Bydd cynnwys y fframwaith yn seiliedig ar dystiolaeth ac ymarfer, ac yn cael ei arwain gan y rhai sy’n gweithio ym meysydd iechyd meddwl, addysg a gofal cymdeithasol.
Mae'r gystadleuaeth hon yn cau ar 31 Awst 2021.
Am fwy o wybodaeth ar y gystadleuaeth hon, ewch i wefan Canolfan Ragoriaeth SBRI. Am unrhyw ymholiadau ynghylch y gystadleuaeth, e-bostiwch: SBRI.COE@wales.nhs.uk