Mae Cyllid a Thollau Ei Fawrhydi (CThEF) yn atgoffa cwsmeriaid hunangyflogedig bod yn rhaid iddyn nhw ddatgan taliadau COVID-19 yn eu ffurflen dreth ar gyfer blwyddyn dreth 2021 i 2022.
Mae'r grantiau hyn yn drethadwy a dylid eu datgan ar ffurflenni treth ar gyfer blwyddyn dreth 2021 i 2022 cyn y dyddiad cau ar 31 Ionawr 2023.
Y cyfnodau ar gyfer gwneud cais a thaliadau’r Cynllun Cymorth Incwm Hunangyflogaeth (SEISS) yn ystod blwyddyn dreth 2021 i 2022 oedd:
- SEISS 4: 22 Ebrill 2021 i 1 Mehefin 2021
- SEISS 5: 29 Gorffennaf 2021 i 30 Medi 2021
Nid SEISS yw'r unig gynllun cymorth COVID-19 y dylid ei ddatgan ar ffurflenni treth. Os cafodd cwsmeriaid daliadau cymorth eraill yn ystod blwyddyn dreth 2021 i 2022, efallai y bydd angen iddynt adrodd hyn ar eu ffurflen dreth os ydynt:
- yn hunangyflogedig
- mewn partneriaeth
- yn fusnes
Gall cwsmeriaid wirio pa grantiau neu daliadau COVID-19 sydd angen iddyn nhw eu hadrodd i CThEF ar GOV.UK.