![Machynlleth](/sites/maingel2/files/styles/post_featured/public/images/Untitled%20%2882%29.png.webp?itok=X1iAvnE_)
Mae'r Dirprwy Weinidog Hinsawdd Lee Waters wedi cyhoeddi heddiw (11 Mawrth 2024) y bydd Llywodraeth Cymru buddsoddi £1 miliwn i greu rhwydwaith o glybiau ceir ar gyfer cysylltu cymunedau gwledig.
Daw'r cam fel rhan o gynlluniau i gyrraedd targedau uchelgeisiol ar gyfer lleihau allyriadau carbon gyda'r nod o sicrhau bod trafnidiaeth gyhoeddus, teithiau cerdded a beicio yn cyfrif am 45% o deithiau erbyn 2040.
Mae’r cyhoeddiad yn adeiladu ar gamau y mae Llywodraeth Cymru eisoes wedi'u cymryd i wella hygyrchedd o fewn cymunedau gwledig, fel y gwasanaeth bws Fflecsi, sy'n ymateb i'r galw.
Bydd y cynlluniau ar gyfer clybiau ceir, sy'n darparu ffordd hawdd a fforddiadwy i bobl rannu manteision defnyddio car, heb y gost o fod yn berchen ar un, yn cael eu gweithredu mewn cymunedau gwledig ledled Cymru gan gynnwys y Drenewydd, Llanidloes, Y Trallwng, Machynlleth, Crymych, Cwmllynfell, Cilgeti, Llanymddyfri a Llandrindod.
Am ragor o wybodaeth, cliciwch ar y ddolen ganlynol: Hwb o £1m i rwydwaith o glybiau ceir ar gyfer cysylltu cymunedau gwledig | LLYW.CYMRU