Gyda llawer o swyddi tymhorol ar gael yr adeg hon o'r flwyddyn, rhaid i gyflogwyr flaenoriaethu iechyd a diogelwch gweithwyr yr economi gìg, gweithwyr asiantaeth a gweithwyr dros dro.
Mae gweithwyr yr un mor debygol o gael damwain yn ystod y 6 mis cyntaf mewn gweithle ag y maent yn ystod gweddill eu bywyd gwaith. Mae gan wefan yr Awdurdod Gweithredol Iechyd a Diogelwch (HSE) ganllawiau ar 6 ffordd i ddiogelu'r rhai sy'n newydd i'r gwaith.
Mae cyngor ar gael hefyd i helpu defnyddwyr a chyflenwyr gweithwyr asiantaeth a gweithwyr dros dro i ddeall eu cyfrifoldebau iechyd a diogelwch.
Os ydych yn weithiwr asiantaeth neu’n weithiwr dros dro, mae'r gyfraith yn diogelu eich iechyd a’ch diogelwch a rhaid i fusnesau cyflogaeth (asiantaethau) sicrhau eu bod yn dilyn y gofynion hyn ar gyfer pob gweithiwr asiantaeth neu weithiwr dros dro.