Â’r haf yn prysur nesáu a’r cynnydd mewn gwaith tymhorol yn sgil hynny, mae gweithwyr mor debygol o gael damwain yn ystod y chwe mis cyntaf mewn gweithle ag y maen nhw yn ystod gweddill eu bywyd gwaith.
Mae’r risg ychwanegol yn digwydd oherwydd y canlynol:
- diffyg profiad o weithio mewn diwydiant neu weithle newydd
- ddim yn gyfarwydd â'r swydd a’r amgylchedd gwaith
- amharodrwydd i fynegi pryderon (neu ddim yn gwybod sut i wneud hynny)
- awydd i greu argraff ar gydweithwyr a rheolwyr
Mae hyn yn golygu efallai na fydd gweithwyr newydd ar safle:
- yn adnabod pethau a allai fod yn ffynhonnell o berygl
- yn deall rheolau ‘amlwg’ wrth ddefnyddio cyfarpar
- yn gyfarwydd â chynllun y safle - yn enwedig lle gallai peryglon newid o ddydd i ddydd
- yn talu sylw i arwyddion rhybudd a rheolau, neu efallai byddant yn torri corneli
Mae’r Awdurdod Gweithredol Iechyd a Diogelwch (HSE) wedi llunio canllawiau ar ddiogelu gweithwyr newydd.
I gael rhagor o wybodaeth ewch i wefan Yr Awdurdod Gweithredol Iechyd a Diogelwch.