Mae Gweinidog y Gymraeg ac Addysg, Jeremy Miles, wedi lansio cymhelliant swyddogol i ddenu mwy o bobl o gefndiroedd Du, Asiaidd ac Ethnig Leiafrifol i addysgu.
Mae'r Cynllun Cymhelliant Addysg Gychwynnol i Athrawon o Gymunedau Ethnig Lleiafrifol yn darparu hyd at £5,000 i unigolion cymwys – er mwyn sicrhau bod y gweithlu addysg yn adlewyrchu amrywiaeth Cymru.
Mae cyfanswm o £5,000 ar gael i athrawon cymwys sydd yn fyfyrwyr Du, Asiaidd ac Ethnig Leiafrifol. Mae £2,500 ar gael ar gyfer ennill Statws Athro Cymwysedig a thaliad terfynol o £2,500 ar ôl cwblhau cyfnod ymsefydlu.
Mae'r cynllun yn un o dri chymhelliant sydd ar gael ar hyn o bryd i athrawon cymwys dan hyfforddiant. Ac mae cyfanswm o £25,000 ar gael i'r rheini sy'n ateb gofynion y tri chynllun.
Y ddau gynllun arall, ochr yn ochr â'r cymhelliant newydd hwn, yw:
- Cymhelliant Addysg Gychwynnol Athrawon ar gyfer Pynciau â Blaenoriaeth: £15,000 i'r rhai sy'n arbenigo yn y pynciau uwchradd sydd eu hangen fwyaf yn y gweithlu addysgu.
- Cynllun Cymhelliant Iaith Athrawon Yfory: £5,000 ar gyfer astudio i ddysgu pynciau uwchradd trwy gyfrwng y Gymraeg.
Mae'r cynllun yn rhan o waith ehangach y mae Llywodraeth Cymru yn ei wneud fel rhan o Gynllun Gweithredu Cymru Wrth-hiliol.
I gael mwy o wybodaeth, cliciwch ar y ddolen ganlynol Lansio cymhelliant i ddenu gweithlu addysgu mwy amrywiol | LLYW.CYMRU