Mae Julie James, Gweinidog Newid Hinsawdd Llywodraeth Cymru, wedi ymweld â Chastell-nedd i weld sut y gall adfywio helpu canol trefi i ffynnu.
Ymwelodd y Gweinidog â'r ganolfan hamdden newydd yng Nghastell-nedd a agorodd yn gynharach eleni. Mae'r safle'n cynnwys llyfrgell a gofod manwerthu yn ogystal â phwll nofio, campfa ac ystafell iechyd. Mae'r datblygiad yn enghraifft o'r polisi 'Canol Tref yn Gyntaf' ar waith, gyda llyfrgell a chyfleusterau hamdden yn symud o gyrion y dref i safle mwy canolog, gan helpu i ddenu pobl i ganol y dref.
Mae Llywodraeth Cymru wedi cyhoeddi Datganiad Sefyllfa ar Ganol Trefi, yn nodi'r heriau allweddol y mae canol trefi ledled Cymru yn eu hwynebu a chyfres o gamau gweithredu i geisio mynd i'r afael â nhw.
Deillia’r datganiad sefyllfa o drafodaeth rhwng rhanddeiliaid y llywodraeth a phrif randdeiliaid canol tref, yn ogystal â chyhoeddi adroddiad Small Towns, Big Issues: adroddiad ymchwil annibynnol yr Economi Sylfaenol ac adroddiad Archwilio Cymru Adfywio Canol Trefi yng Nghymru.
I gael mwy o wybodaeth, cliciwch ar y ddolen ganlynol Llywodraeth Cymru'n cyflwyno’r camau nesaf ar gyfer trawsnewid canol trefi | LLYW.CYMRU