Cyflwynodd mwy na 77,500 o gwsmeriaid eu ffurflenni treth 2022 i 2023 ar 6 Ebrill 2023.
Beth am ymuno â nhw drwy gyflwyno eich ffurflen dreth Hunanasesiad nawr a chael tawelwch meddwl am weddill y flwyddyn.
Mae gennych tan 31 Ionawr 2024 i gyflwyno eich ffurflen a thalu unrhyw dreth a all fod yn ddyledus gennych, ond mae llawer o fanteision i gyflwyno'n gynnar – gallwch:
- ddarganfod yn gynt os oes arian yn ddyledus i chi
- talu mewn rhandaliadau i helpu gyda'ch cyllidebu
- cael help os na allwch dalu'ch treth Hunanasesiad
- osgoi straen cyflwyno ar y funud olaf
Nid yw cyflwyno’n gynnar yn golygu taliad cynnar
Nid yw dewis cyflwyno'ch ffurflen dreth yn gynnar yn golygu bod rhaid i chi dalu CThEF ar unwaith. Mae dyddiad cau 31 Ionawr ar gyfer talu yn parhau.
Os oes angen i chi gyflwyno'ch ffurflen dreth, mae llawer o wybodaeth ar File your tax return early (GOV.UK)
Os oes angen mwy o gymorth arnoch, mae gan sianel YouTube CThEF fideos defnyddiol ar lenwi eich ffurflen dreth, neu ar gyfer unrhyw beth arall, gallwch ddefnyddio Self Assessment: chat