Cafodd dros 3,000 o swyddi eu creu yng Nghymru dros y flwyddyn ddiwethaf diolch i fewnfuddsoddiadau, y canlyniadau gorau a gofnodwyd mewn pum mlynedd, yn ôl ffigyrau newydd a gyhoeddwyd heddiw (27 Mehefin 2023).
Mae adroddiad blynyddol Adran Busnes a Masnach y DU ar Fuddsoddiadau Uniongyrchol Tramor (FDI) yn y DU ar gyfer 2022 i 2023 a gyhoeddwyd heddiw yn dangos bod nifer y swyddi a grëwyd wedi dychwelyd i lefelau cyn Covid gyda 3,062 o swyddi wedi'u creu yn ystod y flwyddyn ddiwethaf, i fyny o 1,793 yn 2021 i 2022, cynnydd o 66% o'i gymharu â'r flwyddyn flaenorol.
Roedd Llywodraeth Cymru yn ymwneud yn uniongyrchol â thua 91% o'r buddsoddiadau, gan gefnogi busnesau drwy ystod o ymyriadau o gynghori cwmnïau ar safleoedd ac adeiladau posibl, nodi sgiliau a thalent, cymorth gydag ymchwil i'r farchnad a chyflwyno i fanciau, rhwydweithiau busnes a'r byd academaidd.
Mae dros 1,395 o fusnesau tramor yng Nghymru, gan gyflogi dros 161,400 o bobl. Mae'r rhain yn cynnwys buddsoddwyr o’r safon uchaf fel Airbus, Toyota, General Dynamics, Deloitte, Siemens Healthcare ac Oracle.
I gael mwy o wybodaeth, cliciwch ar y ddolen ganlynol Miloedd o swyddi newydd yn cael eu creu yng Nghymru drwy fewnfuddsoddi | LLYW.CYMRU