Mis Mai yw mis cenedlaethol cerdded ‘Living Streets’!
Cerdded yw un o’r ffyrdd symlaf o wella ein hiechyd a chadw mewn cysylltiad â’n cymuned, gan ein helpu i deimlo’n llai unig ac ynysig.
Y thema eleni yw #CyfareddCerdded #MagicofWalking ac mae’n dathlu manteision niferus cerdded a theithio ar olwynion i iechyd a hapusrwydd.
Cyflogwyr – gallwch ddangos eich ymrwymiad i iechyd a lles eich staff drwy fuddsoddi mewn gweithgareddau cerdded a fydd yn gwneud iddynt deimlo eu bod yn cael eu gwerthfawrogi ac yn falch o’u gweithle. Mae Living Streets wedi datblygu nifer o adnoddau, gan gynnwys heriau staff Walking Works, i helpu i ddod â chydweithwyr ynghyd, hyrwyddo lles yn y gweithle ac ysbrydoli newid cadarnhaol yn y diwylliant.
Dewiswch y ddolen ganlynol i gael rhagor o wybodaeth: Workplaces | Living Streets
Gellir dod o hyd i wybodaeth ychwanegol hefyd ar dudalennau "Cadw’n Heini" gwefan Cymru Iach ar Waith.