Mae cyfle cyffrous i weithio gydag Ymddiriedolaeth GIG Gwasanaethau Ambiwlans Cymru (WAST) a Byrddau Iechyd yng Nghymru i leihau’r galw digynsail ar ambiwlansys a gwasanaethau Gofal Brys a Gofal mewn Argyfwng ledled Cymru. Mae cleifion yn aros yn hirach nag y dylent am ymateb ambiwlans a phan fyddant yn cyrraedd yr ysbyty (Adran Achosion Brys), gallant dreulio cryn dipyn o amser yn yr ambiwlans cyn cael eu trosglwyddo i dimau clinigol yr Adran Achosion Brys.
Hoffai Ganolfan Ragoriaeth SBRI allu trawsnewid y ffordd y mae gofal brys a gofal mewn argyfwng yn cael ei ddarparu, gan geisio cefnogi uchelgais strategol WAST i ofalu am fwy o gleifion yn eu cartrefi eu hunain neu mewn lleoliad cymunedol, gan leihau’n ddiogel nifer y cleifion sydd angen eu cludo i’r ysbyty.
Strwythur Camau'r Her
Cam 1: Datblygiad – O gyfanswm o £225,000, disgwyliwn ariannu hyd at 3 phrosiect hyd at werth o £75,000 (gan gynnwys TAW) yr un.
Cam 2: Profi - Bydd y Cam hwn yn golygu cynnal prawf cadarn mewn amgylchedd bywyd go iawn ar gyfer hyd at 3 o'r datrysiadau Cam 1 llwyddiannus o gyfanswm cronfa o hyd at £800,000. Disgwyliwn ariannu hyd at 3 phrosiect hyd at £265,000 (gan gynnwys TAW) yr un.
Digwyddiad Briffio
Dilynwch y ddolen isod i fynegi eich diddordeb yn y Digwyddiad Briffio rhithiol a gynhelir ar 23 Chwefror 2023.
Bydd y gystadleuaeth yn cau am 12pm ar 17 Mawrth 2023. I gael mwy o wybodaeth, cliciwch ar y ddolen ganlynol Changing the Way We Deliver Emergency Care | SBRI Centre of Excellence (simplydo.co.uk)