Gallwch wella cystadleurwydd a chynhyrchiant eich busnes drwy bartneriaethau a ariennir gydag academyddion ac ymchwilwyr. Mae’r cynllun Partneriaethau Trosglwyddo Gwybodaeth yn helpu busnesau yn y DU i arloesi a thyfu. Mae’n gwneud hyn drwy eu paru â sefydliadau ymchwil neu academaidd a graddedigion.
Gyda Phartneriaeth Trosglwyddo Gwybodaeth, gall busnesau gael sgiliau newydd a chael gwybod am y syniadau academaidd diweddaraf, er mwyn cyflawni prosiect arloesi penodol a strategol drwy bartneriaeth sy’n seiliedig ar wybodaeth.
Bydd y partner sefydliad ymchwil neu academaidd yn helpu i recriwtio graddedigion addas, sef Cymdeithion. Byddan nhw’n gweithredu fel cyflogwyr y graddedigion, a fydd wedyn yn gweithio i’r cwmni drwy gydol y cyfnod.
Mae rhaglenni Partneriaethau Trosglwyddo Gwybodaeth yn rhedeg yn barhaus drwy’r flwyddyn.
Am ragor o wybodaeth ewch i: Knowledge Transfer Partnership guidance – UKRI