Mae Postcode Community Trust yn cefnogi elusennau llai ac achosion da yng Nghymru i wneud gwahaniaeth i’w cymuned er budd pobl a’r blaned.
Gall elusennau wneud cais am hyd at £25,000, ac oherwydd nad oes cyfyngiadau arno, nid oes angen i’r cyllid fod ynghlwm â phrosiect neu weithgaredd penodol.
Dyma themâu’r cyllid:
- Galluogi pobl i gymryd rhan mewn gweithgarwch corfforol
- Galluogi pobl i gymryd rhan yn y celfyddydau
- Atal neu leihau effaith tlodi
- Cefnogi grwpiau ar y cyrion a mynd i’r afael ag anghydraddoldeb
- Gwella bioamrywiaeth ac ymateb i’r argyfwng hinsawdd
- Gwella mannau gwyrdd a chynyddu mynediad i’r awyr agored
- Darparu cymorth i wella iechyd meddwl
Dyma ddyddiadau’r cylchoedd cyllid ar gyfer 2024:
- Cylch 1: 9am 23 Chwefror tan 12 canol dydd ar 1 Mawrth.
- Cylch 2: 9am 27 Mai tan 12 canol dydd ar 3 Mehefin.
- Cylch 3: 9am 26 Awst tan 12 canol dydd ar 2 Medi.
I gael rhagor o wybodaeth, cliciwch ar y ddolen ganlynol: Apply for a grant | Postcode Community Trust