Mae’r rhaglen yn rhoi cyfle i fenywod sy’n entrepreneuriaid ac arweinwyr gyflwyno eu syniadau busnes i fuddsoddwyr. Gall cwmnïau sydd â sylfaenwyr benywaidd neu fenywod mewn uwch swyddi wneud cais am gyllid.
Mae'r rhaglen yn para am 12 mis ac yn cynnwys pedwar digwyddiad cyflwyno syniadau. Cynhelir y digwyddiad cyflwyno syniadau cyntaf yng Nghaerdydd ddydd Iau 16 Mai 2024 yn 2 Sgwâr Canolog, Caerdydd rhwng 4:30pm ac 8pm.
Bydd hyd at bedwar cwmni yn cyflwyno eu syniadau ym mhob digwyddiad. Nod y rhaglen hon yw cefnogi menywod yng nghymuned buddsoddiad cynnar Cymru ac mae’n cael ei chefnogi gan Fanc Busnes Prydain a Banc Datblygu Cymru.
Mae’r ceisiadau bellach ar agor!
I gael rhagor o wybodaeth ewch i wefan Events - Women Angels of Wales.