Os ydych chi am ymarfer proffesiwn a reoleiddir yn yr Ardal Economaidd Ewropeaidd neu’r Swistir ac nad yw’ch cymwysterau proffesiynol wedi’u cydnabod eto yn yr Ardal Economaidd Ewropeaidd nac yn y Swistir, dylech:
- Fwrw golwg ar Gronfa Ddata Proffesiynau a Reoleiddir y Comisiwn Ewropeaidd i weld a yw’ch proffesiwn yn cael ei reoleiddio yn y man y bwriadwch weithio.
- Cysylltu â’r pwynt cyswllt unigol ar gyfer y wlad lle y bwriadwch weithio i weld sut i sicrhau bod eich cymhwyster proffesiynol yn cael ei gydnabod yno.
Os ydych chi neu’ch staff yn gweithio mewn proffesiwn a reoleiddir gan y DU ac yn defnyddio cymwysterau proffesiynol a gafwyd yn yr Ardal Economaidd Ewropeaidd neu’r Swistir, bydd angen i chi geisio cydnabyddiaeth gan y rheoleiddiwr priodol yn y DU.
Gallwch ddod o hyd i fanylion y rheoleiddiwr priodol gan Check which professions are regulated in the UK - GOV.UK.