Mae Rheolau Tarddiad yn ymwneud â lle cafodd cynnyrch ei weithgynhyrchu ac yn pennu 'cenedligrwydd economaidd' nwydd ar gyfer masnach ryngwladol.
Mae angen i fusnesau wybod amdanyn nhw oherwydd bod y Cytundeb Masnach a Chydweithredu yn golygu y gallant fasnachu gyda'r UE heb dalu tariffau – cyn belled â bod eu cynnyrch yn bodloni'r Rheolau Tarddiad perthnasol.
Er mwyn allforio'n ddi-dariff i’r UE, rhaid i fasnachwyr wirio bod eu nwyddau'n bodloni'r gofynion Rheolau Tarddiad sydd yn y Cytundeb Masnach a Chydweithredu, a chael y dogfennau cywir.
I gadarnhau'r gofynion ar gyfer eich nwyddau a chael mwy o fanylion am y cymorth sydd ar gael, dylai busnesau:
- nodi'r manylion ar sut i hawlio tariffau ffafriol (sero) a'r dogfennau sydd angen eu cwblhau
- darllen y canllawiau llawn ar fodloni Rheolau Tarddiad wrth fasnachu gyda'r UE
- gwirio testun cyfreithiol TCA i weld pa reolau sy'n berthnasol i'ch nwyddau chi (Pennod 2 ac Atodiadau ORIG-1 i ORIG-4 fydd fwyaf defnyddiol)
Rheolau Tarddiad yw un o bynciau trafod y fideos ar alw newydd sy'n canolbwyntio ar bynciau o bwys i fusnesau. Gallwch hefyd ddefnyddio'r adnodd gwirio Brexit gov.uk/transition, sy'n rhoi rhestr wedi’i phersonoleiddio i chi o'r camau gweithredu diweddaraf i'w cymryd fel busnes.
Os oes gennych unrhyw ymholiadau pellach neu os oes angen cyngor busnes cyffredinol arnoch, trowch i'r cwestiynau am dollau a threthi ac ymholiadau eraill am ffiniau.
Ceir canllawiau a hyfforddiant penodol ar symud nwyddau i mewn ac allan o Ogledd Iwerddon yn Gov.UK.
Am ragor o wybodaeth am sut mae paratoi eich busnes ar gyfer y rheolau newydd rhwng y DU a’r UE, ewch i Borth Cyfnod Pontio'r UE Busnes Cymru.