Bydd y Comisiwn Geo-ofodol yn buddsoddi hyd at £2 miliwn mewn oddeutu 30 prosiect sy’n ymchwilio i ffyrdd o wella’r ffordd o integreiddio trafnidiaeth, capasiti, diogelwch a seilwaith.
Mae’r comisiwn yn bwyllgor arbenigol a sefydlwyd gan Swyddfa’r Cabinet i hyrwyddo’r defnydd gorau o ddata geo-ofodol – data am leoliad sydd â’r potensial i ddatgloi gwerth economaidd, cymdeithasol ac amgylcheddol sylweddol mewn sawl maes.
Gallai data lleoliad helpu i greu cysylltiadau trafnidiaeth newydd, gwella logisteg trafnidiaeth a chynnal a chadw ffyrdd a chefnogi cerbydau annibynnol.
Mae’n rhaid i brosiectau nodi prif gwsmer o’r sector cyhoeddus neu berchennog her sydd â diddordeb yn y datrysiad.
Gallai meysydd gwaith cynnwys astudiaethau dichonoldeb yn y canlynol:
- Integreiddio moddau trafnidiaeth
- Gwella diogelwch
- Gwella cadwyni cyflenwi a dosbarthu
- Cynyddu capasiti
- Mynd i’r afael â heriau seilwaith.
Y dyddiad cau ar gyfer ceisiadau yw 11am ar 4 Tachwedd 2020.
Am ragor o wybodaeth, ewch i wefan GOV.UK.