Cyflwynwyd Treth Pecynnau Plastig ar 1 Ebrill 2022. Os ydych chi'n gweithgynhyrchu neu'n mewnforio 10 neu fwy o dunelli o becynnau plastig o fewn cyfnod o 12 mis, rhaid i chi gofrestru ar gyfer Treth Pecynnau Plastig ar GOV.UK, hyd yn oed os yw eich pecynnau’n cynnwys 30% neu fwy o blastig wedi'i ailgylchu.
Mae angen i chi gofrestru ar gyfer Treth Pecynnau Plastig os oes unrhyw un o'r canlynol yn berthnasol:
- rydych chi’n disgwyl gweithgynhyrchu neu fewnforio 10 neu fwy o dunelli yn y 30 diwrnod nesaf (y prawf 'edrych ymlaen')
- rydych wedi gweithgynhyrchu neu fewnforio 10 neu fwy o dunelli o becynnau plastig ers 1 Ebrill 2022 (y prawf 'yn edrych yn ôl')
Lle bo'n bosibl, mae CThEF yn annog busnesau sy'n agored i Dreth Pecynnau Plastig ddarparu gwybodaeth am y dreth sy'n cael ei thalu ar anfonebau i gwsmeriaid busnes.
Fodd bynnag, ni fydd hyn yn cael ei gyflwyno fel gofyniad cyfreithiol.
Edrychwch ar y canllaw diweddaredig i gael gwybodaeth fanylach, sydd hefyd yn darparu enghreifftiau o ffyrdd eraill i wneud y dreth yn weladwy i gwsmeriaid busnes.
I gael cymorth ychwanegol, edrychwch ar yr ystod o adnoddau y mae CThEF wedi'u cynhyrchu i gynorthwyo busnesau gyda Y Dreth Deunydd Pacio Plastig - GOV.UK (www.gov.uk)