Gofynnir i bobl Cymru enwebu’r menywod mwyaf rhyfeddol yn eu bywydau, wrth i Wobrau Womenspire Chwarae Teg ddod yn fwy ac yn well fyth ar gyfer 2023!
Mae’r elusen cydraddoldeb rhywedd wedi agor enwebiadau ar gyfer ei dathliad blynyddol, sy’n cydnabod cyflawniadau a chyfraniadau menywod eithriadol o bob cefndir.
Mae gan Wobrau Womenspire Chwarae Teg 2023 naw categori sy’n agored i fenywod, fel y ganlyn:
- Hyrwyddwr Cymunedol
- Menyw mewn Chwaraeon
- Seren Ddisglair
- Dysgwr
- Entrepreneur
- Arweinydd
- Menyw mewn STEM
- Menyw mewn Iechyd a Gofal
- Gwobr Cysylltydd Cymunedol – i gydnabod menyw sydd ag anabledd dysgu
Bydd Gwobr Hyrwyddwr Cydraddoldeb Rhywedd hefyd, noddir gan Academi Wales – sy’n agored i unigolyn o unrhyw rywedd – i gydnabod eu hagwedd ragweithiol at gau’r bwlch rhwng y rhyweddau yn eu gweithle.
Mae’r enwebiadau’n cau am hanner nos ar 31 Mai 2023.
I enwebu rhywun ar gyfer Gwobrau Womenspire Chwarae Teg 2023, neu am ragor o wybodaeth, ewch i www.chwaraeteg.com/womenspire