Cynhelir wythnos cyflog byw rhwng 4 Tachwedd a 10 Tachwedd 2024 a dyma ddathliad blynyddol y mudiad Cyflog Byw yn y DU.
Y Cyflog Byw go iawn yw'r unig gyfradd gyflog yn y DU sy'n cael ei thalu'n wirfoddol gan dros 15,000 o fusnesau yn y DU sy'n credu bod eu staff yn haeddu cyflog sy'n bodloni anghenion bob dydd – fel y siopa wythnosol, neu daith annisgwyl i'r deintydd.
Beth sy'n digwydd yn wythnos cyflog byw?
- Digwyddiadau ar hyd a lled y wlad
- Cyflogwyr yn chwifio'r faner ac yn arddangos y logo gyda balchder
- Codi ymwybyddiaeth o'r Cyflog Byw yn y wasg a'r cyfryngau cymdeithasol
Beth yw manteision busnes talu cyflog byw go iawn?
- Mae 87% o bobl yn dweud ei fod wedi gwella enw da'r busnes
- Mae 66% o bobl yn dweud ei fod wedi helpu i wahaniaethu eu hunain oddi wrth eraill yn eu diwydiant
Dewch i weld sut gall eich busnes gymryd rhan drwy fynd i wefan Living Wage Week | Living Wage Foundation.
Mae Llywodraeth Cymru yn annog pob cyflogwr sy'n gallu fforddio gwneud hynny i sicrhau bod eu gweithwyr yn derbyn cyfradd cyflog yr awr sy'n adlewyrchu costau byw, nid dim ond y lleiafswm statudol. Mae'r Cyflog Byw Gwirioneddol gwirfoddol yn cael ei gyfrifo'n annibynnol ar sail yr hyn y mae bobl ei angen i ddygymod, ac mae'n uwch na'r Isafswm Cyflog Cenedlaethol neu'r Cyflog Byw Cenedlaethol.
Ceir rhagor o wybodaeth drwy’r ddolen ganlynol Cyflog Byw Cymru – Ar gyfer gwir gostau byw Cyflog Byw i Gymru.
Beth am ymweld â thudalennau Busnes Cyfrifol Busnes Cymru i ddarganfod sut y gall bod yn fusnes cyfrifol fod o fudd i'ch staff a chael effaith gadarnhaol ar eich busnes.