Mae Wythnos Elusennau Cymru yn ôl ac yn cael ei chynnal eleni rhwng 21 i 25 Tachwedd 2022.
Nod yr wythnos yw cydnabod ac amlygu gwaith gwych elusennau, mudiadau gwirfoddol, grwpiau cymunedol a gwirfoddolwyr ar hyd a lled Cymru.
Mae elusennau nid yn unig yn achubiaeth i’r rhai mwyaf agored i niwed, ond maen nhw hefyd yno i bobl drwy’r cyfnodau da a drwg, yn cymryd camau bach yr olwg sy’n arwain at wahaniaeth mawr.
Dewch i ni wneud #MwyOWahaniaethGydanGilydd yn ystod #WythnosElusennauCymru. Ewch ati i wirfoddoli, rhoi neu ddweud diolch i’ch hoff elusen neu grŵp gwirfoddol!
Waeth a ydych chi’n gweithio neu’n gwirfoddoli gyda mudiad elusennol neu dim ond eisiau rhoi sylw i elusen sy’n agos at eich calon, mae llwyth o ffyrdd o gymryd rhan yn ystod Wythnos Elusennau Cymru.
I gael mwy o wybodaeth, cliciwch ar y ddolen ganlynol Wythnos Elusennau Cymru