Wythnos Ffoaduriaid, a gynhelir rhwng 17 Mehefin a 23 Mehefin 2024, yw gŵyl gelfyddydau a diwylliant fwyaf y byd sy’n dathlu cyfraniadau, creadigrwydd a gwytnwch ffoaduriaid a phobl sy’n ceisio noddfa.
Cafodd ei sefydlu ym 1998 yn y DU, ac mae’r ŵyl flynyddol hon yn cyd-redeg â Diwrnod Ffoaduriaid y Byd, a gaiff ei ddathlu ledled y byd ar 20 Mehefin.
Mae Wythnos Ffoaduriaid yn dathlu cyfraniadau ffoaduriaid a cheiswyr noddfa er mwyn herio stereoteipiau negyddol a chreu gofod lle gall ffoaduriaid gael eu gweld a’u clywed y tu hwnt i’w profiad o ddadleoli.
Thema Wythnos Ffoaduriaid 2024 yw ‘Ein Cartref’. O’r mannau lle’r ydym yn ymgynnull i rannu prydau, i’n cartref ar y cyd, sef y ddaear: mae gwahoddiad i bawb ddathlu’r hyn y mae ein ‘Ein Cartref’ yn ei olygu iddynt.
I gael rhagor o wybodaeth, dewiswch y ddolen ganlynol: About – Refugee Week
Darllenwch am y cynnydd y mae Llywodraeth Cymru yn ei wneud wrth i ni gyflawni ymrwymiadau’r cynllun Cenedl Noddfa: Cynllun ffoaduriaid a cheiswyr lloches (cenedl noddfa): adroddiad cynnydd 2024 | LLYW.CYMRU
Mae bod yn fusnes cyfrifol yn ymwneud â bod o fudd i’r bobl a’r mannau o’ch cwmpas gan gael effaith gadarnhaol ar eich busnes, a gallwch wneud gwahaniaeth trwy gymryd rhan yn eich cymuned leol. I gael rhagor o wybodaeth, dewiswch y ddolen ganlynol: Busnes cyfrifol | Business Wales (gov.wales)