Mae oddeutu traean y bwyd a gynhyrchir ledled y byd yn cael ei golli neu ei wastraffu ac yn cael effaith wirioneddol ar newid hinsawdd, gan gyfrannu 8-10% o gyfanswm yr allyriadau nwyon tŷ gwydr o waith ddyn.
Dyna pam mae WRAP a Hoffi Bwyd Casau Gwastraff yn neilltuo wythnos o weithredu i godi ymwybyddiaeth o ganlyniadau amgylcheddol gwastraffu bwyd, a hyrwyddo gweithgareddau sy’n helpu i leihau faint o fwyd sy’n cael ei wastraffu.
Cynhelir Wythnos Gweithredu ar Wastraff Bwyd rhwng 7 ac 13 Mawrth 2022.
Gofynnir i’r diwydiant Lletygarwch a Gwasanaethau Bwyd ddod at ei gilydd gyda dinasyddion ledled y DU i weithredu ar y bwyd sy’n cael ei wastraffu ac sy’n bwydo newid hinsawdd.
Am ragor o wybodaeth, ewch i Wythnos Gweithredu ar Wastraff Bwyd | WRAP
Dyma sut i sicrhau bod eich busnes yn masnachu'n gyfrifol ac yn foesegol. Cofrestrwch ar gyfer ein tiwtorial ar-lein i gael cyngor ac arweiniad: BOSS: Ynglŷn â Masnachu’n Gyfrifol (gov.wales)