Mae Tŷ’r Cwmnïau wedi cynhyrchu canllawiau i’ch helpu i ganfod p’un a fydd angen i’ch busnes newid ei gofrestriad cwmni o 1 Ionawr 2021, a sut mae gwneud hyn.
Ni fydd gadael yr UE yn effeithio ar y ffordd mae’r rhan fwyaf o gwmnïau’r DU yn darparu gwybodaeth i Dŷ’r Cwmnïau.
Yn ystod y cyfnod pontio, ni fydd y DU mwyach yn aelod-wladwriaeth o’r UE. Ond yn ystod y cyfnod hwn bydd mynediad i’r farchnad yn parhau ar y telerau presennol.
Er mwyn rhoi sicrwydd i fusnesau a dinasyddion, bydd rheolau cyffredin yn parhau mewn grym tan 31 Rhagfyr 2020. Mae hyn yn golygu y bydd busnesau’n dal i allu masnachu ar yr un telerau ag ar hyn o bryd.
Ar ba fusnesau y bydd hyn yn effeithio
O 1 Ionawr 2021, efallai y bydd angen i’ch busnes newid ei gofrestriad cwmni os yw’n:
- endid Ewropeaidd wedi’i ffurfio o dan gyfraith yr UE
- cwmni o’r DU sydd â swyddog corfforaethol AEE
- cwmni o'r DU sy’n rhan o drefniant uno cwmnïau trawsffiniol
- cwmni EEA
I gael rhagor o wybodaeth ewch i wefan GOV.UK.