Mae’r Adran Busnes, Ynni a Strategaeth Ddiwydiannol (BEIS) wedi agor cystadleuaeth newydd fel rhan o’r Gronfa Trawsnewid Ynni Diwydiannol (IETF): Cam 2 ar gyfer Gwanwyn 2022, a byddant yn cynnal cyfres o gymorthfeydd ar gyfer rhanddeiliaid drwy gydol cyfnod y gystadleuaeth i helpu a chefnogi busnesau sydd â diddordeb.
Gall busnesau yng Nghymru wneud cais am gyfran o hyd at £60 miliwn o gyllid grant drwy'r cyfnod cystadlu, a fydd ar agor o 31 Ionawr i 29 Ebrill 2022.
I gael rhagor o wybodaeth ewch i dudalen y gystadleuaeth.
Cymorthfeydd yr IETF i randdeiliaid
Mae cymorthfeydd i randdeiliaid yn helpu busnesau sy'n bwriadu gwneud cais am gyllid Cam 2 drwy eu galluogi i siarad yn uniongyrchol â BEIS a gofyn cwestiynau am geisiadau posibl, cwmpas y cystadlaethau, meini prawf cymhwysedd, sut i wneud cais am gyllid, y cymorth sydd ar gael gan yr IETF ac ati.
Mae’r cymorthfeydd yn gyfle gwych i ymgysylltu'n uniongyrchol â sefydliadau ac mae BEIS yn croesawu'r cyfle i allu siarad â chi a’ch helpu gyda'ch ymholiadau. Mae’r cymorthfeydd olaf ar gyfer cyfnod hwn y gystadleuaeth yn cael eu cynnal ar 12 a 19 Ebrill 2022.
I gofrestru i fynychu’r cymorthfeydd i randdeiliaid ewch i’r wefan gofrestru.
Marchnad Technoleg Rithwir IETF
Er mwyn cefnogi busnesau sydd â diddordeb mewn gwneud cais am gyllid yr IETF, mae BEIS yn cynnal y Farchnad Technoleg Rithwir, sy'n cynnig cyfle i berchnogion safleoedd diwydiannol (gweithgynhyrchwyr a chanolfannau data cymwys) bori fideos sy'n arddangos technolegau posibl ar gyfer lleihau'r angen i ddefnyddio ynni a'r allyriadau sy'n gysylltiedig â'u prosesau diwydiannol.
I gofrestru ar gyfer y Farchnad Dechnoleg ewch i’r wefan gofrestru.