Gwahoddir sefydliadau bach o sectorau penodol yn y Deyrnas Unedig (DU) i gymryd rhan yn y Rhaglen Cyber Essentials a Ariennir (Funded Cyber Essentials Programme), dan arweiniad y Ganolfan Seiberddiogelwch Genedlaethol (NCSC).
Mae’r cynnig ar gyfer 2024 bellach yn agored, a gall cwmnïau bach neu ficro sy’n gweithio ar ddatblygu technolegau Deallusrwydd Artiffisial (AI) sylfaenol yn y DU wneud cais am gymorth.
Nod y rhaglen yw helpu cwmnïau a sefydliadau bach o fewn y sectorau sydd fwyaf mewn perygl o ymosodiadau seiber, gan ddarparu cymorth ymarferol am ddim i weithredu’r rheolaethau seiberddiogelwch sy’n atal y mathau mwyaf cyffredin o ymosodiadau.
I fod yn gymwys ar gyfer y cynllun hwn, rhaid i gwmnïau fod yn:
- fusnes micro neu fach (1 i 49 o weithwyr) sydd wedi’i gofrestru yn y DU ac sy’n gweithio ar ddatblygu technolegau AI sylfaenol
A rhaid iddynt fodloni’r meini prawf canlynol:
- nid ydynt wedi cymryd rhan o’r blaen yn Rhaglen Cyber Essentials a Ariennir y Ganolfan Seiberddiogelwch Genedlaethol
- nid oes ganddynt ardystiad Cyber Essentials Plus (CE+) ar hyn o bryd, nid ydynt wedi cael ardystiad CE+ ers mis Ionawr 2023, ac nid ydynt wrthi’n gwneud cais am ardystiad CE+ ar hyn o bryd
Os yw eich busnes neu sefydliad yn bodloni’r meini prawf uchod, ac rydych yn dymuno mynegi diddordeb yn y Rhaglen Cyber Essentials a Ariennir, ewch i wefan IASME, sy’n bartner yn y cynllun Cyber Essentials: Funded Programme - Iasme