Bellach, mae gan drethdalwyr tan 5 Ebrill 2025 i lenwi bylchau yn eu cofnod Yswiriant Gwladol o fis Ebrill 2006, a allai gynyddu eu Pensiwn y Wladwriaeth – sef estyniad o bron i 2 flynedd – yn ôl cyhoeddiad gan Lywodraeth y DU.
Mae ymestyn y terfyn amser ar gyfer cyfraniadau Yswiriant Gwladol gwirfoddol tan 2025 yn golygu bod gan bobl fwy o amser i ystyried yn llawn os yw talu cyfraniadau gwirfoddol yn briodol iddyn nhw, ac yn sicrhau nad oes angen i unrhyw un golli’r posibilrwydd o roi hwb i’w hawliadau Pensiwn y Wladwriaeth.
Estynnwyd y dyddiad cau gwreiddiol tan 31 Gorffennaf 2023 yn gynharach eleni.
Gall pobl ddarganfod sut i wirio eu cofnod Yswiriant Gwladol, cael rhagolwg Pensiwn y Wladwriaeth, penderfynu os yw gwneud cyfraniad Yswiriant Gwladol gwirfoddol – voluntary National Insurance contribution – yn werth chweil iddyn nhw a’u pensiwn, a chael gwybodaeth sut i wneud taliad ar GOV.UK.
Gall trethdalwyr wirio eu cofnod Yswiriant Gwladol trwy eu Cyfrif Treth Personol.