Dydyn ni byth yn stopio dysgu a gall pawb ohonom elwa o gael mentor!
Yn artist, gof, athrawes a mentor, mae Spike Blackhurst yn sicr yn gwybod sut i ymestyn ei doniau ar draws sawl llwyfan. Sefydlodd ei busnes, Spike the Blacksmith, yn 2003, gan greu darnau o waith anarferol ac unigryw.
Yn ogystal â darparu gwahanol gyrsiau gwaith gof artistig o’i gweithdy ym Mhowys, mae Spike yn gweithio gyda Llywodraeth Cymru mewn cydweithrediad â thîm Syniadau Mawr Cymru, yn mentora pobl ifanc fel model rôl entrepreneur busnes.
Ar ôl rhai blynyddoedd o fasnachu, daeth Spike atom yn Busnes Cymru i sicrhau bod ei busnes yn datblygu ac yn tyfu i'r cyfeiriad cywir.
Rhoddodd ei mentor gefnogaeth iddi gyda chynllunio busnes, cynllunio ariannol, marchnata a brandio, i sicrhau ei bod ar y llwybr cywir ar gyfer twf cynaliadwy.
Yn ogystal, trafodwyd Polisi Cydraddoldeb ac Amrywiaeth, a sefydlodd Spike yn dilyn hyn, gan gadw at arferion a gweithdrefnau Adnoddau Dynol, a oedd yn cynnwys darparu gwasanaeth i gwsmeriaid.
Ymrwymodd Spike hefyd i roi Polisi Amgylcheddol ar waith i sicrhau bod y busnes yn gweithredu mewn modd cymdeithasol gyfrifol, drwy leihau ac ailbrisio deunydd pacio a thrafnidiaeth, a rhannu arferion da.
A hoffech chi gael cymorth a chyngor ar gynllunio busnes?
Cysylltwch â ni heddiw i drafod sut allwn ni helpu eich busnes i ddatblygu Dechrau a Chynllunio Busnes | Drupal (gov.wales)