Mae gwisgo laniard neu fathodyn gyda’r logo Iaith Gwaith yn ffordd wych o hysbysu cwsmeriaid dy fod ti a/neu dy staff yn siarad neu’n dysgu Cymraeg.
I dderbyn nwyddau ‘Iaith Gwaith’ am ddim, yr oll sydd angen ei wneud yw:
- Mewngofnodi neu greu cyfrif ar wefan Helo Blod drwy gofrestru gyda SOC yma
- Dewis ‘Cais Newydd’ o fewn dy gyfrif Helo Blod a Fi
- Dewis ‘Mae gen i gwestiwn/ymholiad’ ac yna dilyn y cyfarwyddiadau
A dyna ni – bydd Helo Blod yn gwneud y gweddill!
Cofia, mae Helo Blod yn cynnig llawer iawn mwy na hyn. Gallwn gynnig cyngor ymarferol ar sut i farchnata a hyrwyddo dy fusnes a gwneud y Gymraeg yn fwy gweledol yn dy siop, caffi, gweithdy neu ar dy wefan – mae’r cyfan am ddim!
Mae Helo Blod yn cynnig y gwasanaethau canlynol:
- cyfieithu am ddim
- gwirio testun
- cyngor ac arweiniad
Mae defnyddio ychydig o Gymraeg yn mynd yn bell. Cer draw i’r wefan i ddarganfod mwy!