Yn 2022 yn unig, nodwyd bod 17,000 o oroeswyr caethwasiaeth fodern yn y DU.
Mae goroeswyr yn wynebu nifer o rwystrau rhag dod o hyd i gyflogaeth ddiogel a pharhaol, o ganlyniad i ddioddef camfanteisio, gan gynnwys:
- diffyg hyder
- hanes gwaith
- profiad o gyfweliadau
Nod Bright Future yw chwalu’r rhwystrau hyn wrth gynnig cyfle i weithio heb fod angen CV neu gyfweliad cystadleuol. Mae’r llwybr hygyrch hwn i gyflogaeth yn lleihau’r risg o ddioddef camfanteisio drachefn.
A fyddai eich busnes chi’n gallu cefnogi goroeswyr Caethwasiaeth Fodern, a rhoi mynediad at gyflogaeth ddiogel a pharhaol?
Yn ddiweddar, mae Bright Future Co-op wedi ehangu i Gymru ac yn awyddus i weithio gyda busnesau er mwyn helpu goroeswyr Caethwasiaeth Fodern i gael gwaith.
Mae’r sefydliad eisoes yn gweithio gyda nifer o gwmnïau ledled y DU i’w cefnogi i ddarparu cyfleoedd gwaith i oroeswyr Caethwasiaeth Fodern. Os hoffech gael gwybod mwy, gallwch gysylltu â Bright Future yn info@brightfuture.coop ac mae eu crynodeb busnes ar gael yma.