Mae Llywodraeth Cymru wedi mynd ati'n ffurfiol i lansio Cronfa Cymorth Llifogydd, sydd ar gael i BBaChau yng Nghymru (gan gynnwys unig fasnachwyr a microfusnesau) i'w helpu i adfer eu busnesau yn dilyn difrod ac aflonyddwch stormydd Bella a Christoph.
Gall busnesau sy'n ceisio dod dros effeithiau dinistriol y llifogydd wneud cais am grant o £2,500 i'w helpu gyda chostau uniongyrchol cyn gynted â phosibl.
Y dyddiad cau ar gyfer gwneud cais i'r Gronfa Cymorth Llifogydd i Fusnesau yw 31 Mawrth 2021, tra bydd y cyllid yn para.
I gael rhagor o wybodaeth ewch i dudalen Cronfa Cymorth Llifogydd Busnes Cymru.