Mae fframwaith sancsiynau’r DU yn newid, mae cyfundrefnau sancsiynau presennol yr UE yn cael eu trosglwyddo i gyfraith y DU drwy reoliadau a wnaed o dan Ddeddf Sancsiynau a Gwrth-wyngalchu Arian 2018.
Ni fydd sancsiynau’r UE yn gymwys mwyach yn y DU o 11pm ar 31 Rhagfyr 2020.
Mae Llywodraeth y DU yn cynnal cyfres o weminarau i’ch helpu i ddeall sut y gallai’r ddeddfwriaeth a’r prosesau newydd effeithio ar eich gwaith, a’r hyn y bydd angen i chi ei wneud i sicrhau cydymffurfiaeth â rheoliadau. Mae gweminarau ar gyfer y sectorau Cyllid, Cyfreithiol a Chyrff Anllywodraethol eisoes wedi’u cynnal, a chynhelir 3 sesiwn arall ar gyfer y canlynol:
- Y sector ynni – dydd Mawrth 17 Tachwedd, 1pm i 2pm – Cofrestrwch yma
- Y sector preifat ehangach (mynychwch y sesiwn hon os nad oedd eich sector wedi’i gynnwys mewn gweminarau eraill neu os nad oeddech yn gallu eu mynychu) – dydd Mercher 18 Tachwedd, 10am i 11am – Cofrestrwch yma
- Y sector masnach rhyngwladol – dydd Iau 19 Tachwedd, 9am i 10pm – Cofrestrwch yma
Bydd y siaradwyr yn cynnwys cynrychiolwyr o’r Swyddfa Dramor, Cymanwlad a Datblygu, Trysorlys Ei Mawrhydi, yr Adran Masnach Ryngwladol ac adrannau eraill y llywodraeth.
Cewch gyfle i ofyn cwestiynau i’ch helpu i baratoi ar gyfer diwedd y cyfnod pontio.
I gael rhagor o wybodaeth am sancsiynau a chydymffurfiaeth y DU, darllenwch ganllawiau llywodraeth y DU ar gyfundrefnau sancsiynau cyfredol, a’r ddeddfwriaeth newydd a fydd yn dod i rym ar 1 Ionawr 2021.