Rhaglen chwe wythnos sydd wedi’i hachredu o ran DPP ac sy’n cynnig hyfforddiant hanfodol ar gynaliadwyedd i fusnesau bach yn rhad ac am ddim yw BT Sustainability, a gyflwynir gan Small Business Britain mewn partneriaeth â BT.
Mae’r rhaglen yn dechrau ar 9 Medi 2024 a bydd yn helpu entrepreneuriaid i ddeall y cyfleoedd anhygoel y gall cynaliadwyedd eu cynnig a gwneud y gorau ohonynt. Bydd y gweithdai wythnosol yn cael eu recordio a’u huwchlwytho i dudalen breifat ar wefan Small Business Britain, er mwyn sicrhau bod y rhaglen yn hygyrch i bawb.
Bydd y cwrs rhyngweithiol yn mynd i’r afael â’r pynciau canlynol:
- Creu Cynllun Gweithredu
- Technoleg i roi Hwb i’ch Nodau Cynaliadwyedd (gan gynnwys defnyddio deallusrwydd artiffisial!)
- Delio â Gorlwytho ym Maes Cynaliadwyedd
- Brandio Cynaliadwy a Chreu Cynnwys ar gyfer eich Cyfryngau Cymdeithasol
- Gweithrediadau Busnes Cynaliadwy a'r Economi Gylchol
- Grantiau Gwyrdd a Chyflwyno Ceisiadau am Gyllid
Mae'r rhaglen yn agored i bob busnes bach.
Cliciwch ar y ddolen ganlynol i gael rhagor o wybodaeth: Small Business Britain | Champion. Inspire. Accelerate.
Mae’r Addewid Twf Gwyrdd yn helpu busnesau Cymru i gymryd camau gweithredol tuag at wella eu cynaliadwyedd, arddangos yr effaith gadarnhaol maent yn ei chael ar bobl a lleoedd o’u cwmpas, yn ogystal ag ymuno â chymuned gynyddol o sefydliadau blaengar sy’n helpu Cymru i bontio i ddyfodol carbon isel. Cofrestrwch heddiw: Addewid Twf Gwyrdd | Busnes Cymru (gov.wales)