Mae Asiantaeth y Swyddfa Brisio (VOA) yn ysgrifennu at rai perchnogion llety gwyliau hunanarlwyo sy’n cael eu hasesu ar gyfer ardrethi busnes er mwyn cael rhagor o wybodaeth am incwm a gwariant yr eiddo hwn.
Y llynedd, ysgrifennodd y VOA at y rhan fwyaf o berchnogion llety gwyliau hunanarlwyo yng Nghymru a Lloegr gan ofyn iddynt ddarparu gwybodaeth am osod eu heiddo.
Defnyddiwyd y wybodaeth hon i benderfynu a ddylid asesu eiddo ar gyfer ardrethi busnes neu’r Dreth Gyngor.
Os penderfynodd y VOA y dylai eich eiddo gael ei asesu ar gyfer ardrethi busnes, gallech dderbyn ffurflen arall sy’n gofyn am wybodaeth ychwanegol.
I brisio llety gwyliau hunanarlwyo, bydd angen gwybodaeth ar y VOA am eich incwm a’ch gwariant. Anfonir y ffurflenni rhwng Chwefror ac Awst.
Os byddwch yn derbyn ffurflen gan y VOA yn gofyn am wybodaeth am eich llety gwyliau hunanarlwyo, mae’n bwysig eich bod yn ei dychwelyd o fewn 56 diwrnod o’i hanfon. Os na wnewch chi hynny, efallai bydd rhaid i chi dalu cosb.
I gael rhagor o wybodaeth, cliciwch ar y ddolen ganlynol: Providing trade information for self-catering holiday lets - GOV.UK