Wrth i’r newid yn yr hinsawdd gyflymu ac amlder a difrifoldeb digwyddiadau tywydd, nid yn unig yng Nghymru ond ledled y byd, mae angen i chi wneud cynlluniau i sicrhau bod eich busnes a’ch cadwyn gyflenwi gyfan yn wydn.
Drwy adolygu ac asesu risg gwendidau posibl, gall eich busnes adeiladu gwytnwch a chymryd agwedd ragweithiol sy’n ymwybodol o’r hinsawdd tuag at eich gweithrediadau a’ch cadwyn gyflenwi yn awr ac yn y dyfodol.
Trwy ymuno â'r hyfforddiant gwerthfawr rhad ac am ddim hwn byddwch yn ennill gwybodaeth, technegau rheoli ac offer ymarferol - gan gynnwys templedi defnyddiol y gellir eu haddasu - y gallwch eu defnyddio i sicrhau bod eich busnes yn cymryd camau priodol a chymesur i baratoi ac addasu ar gyfer dyfodol hinsawdd anrhagweladwy.
Ymunwch â Bwyd a Diod Cymru bob pythefnos am 3 gweithdy rhyngweithiol, a fydd yn rhoi i chi:
- Sgiliau rheoli i ddelio â’r annisgwyl
- Camau ymarferol i baratoi ar gyfer siociau a straen yr hinsawdd
- Templedi y gellir eu golygu i’w teilwra i anghenion eich busnes
- Yr opsiwn ar gyfer sesiwn ddilynol 121
I gael rhagor o wybodaeth, ac i gofrestru dewiswch y ddolen ganlynol: Hyfforddiant Addasu i’r Newid yn yr Hinsawdd a Chydnerthedd ar Gyfer Gweithgynhyrchwyr Bwyd a Diod yng Nghymru (bic-innovation.com)
Mae Is-adran Fwyd Llywodraeth Cymru yn gyfrifol am hyrwyddo Bwyd a Diod Cymru yng Nghymru, y DU ac yn rhyngwladol. I gael rhagor o wybodaeth, dewiswch y ddolen ganlynol: Bwyd a Diod Cymru - Tyfu gyda'n gilydd | Business Wales - Food and drink (gov.wales)