Gall aelwydydd heb berthynas uniongyrchol â chyflenwyr trydan, fel y rheiny sy'n byw mewn cartrefi parc a chartrefi gofal, wneud cais drwy borth ar-lein diogel i dderbyn y gefnogaeth fel swm untro, nad oes angen ei ad-dalu o dan lwybr 'cyllid amgen' Cynllun Cymorth Biliau Ynni (EBSS AF) y Llywodraeth. Ar gyfer y rheiny sydd heb fynediad ar-lein, mae llinell gymorth bwrpasol i gwsmeriaid ar gael i gynorthwyo cwsmeriaid cymwys.
Ni fydd llywodraeth y DU fyth yn darparu unrhyw ddolenni i'r porth ymgeisio, nac yn gofyn yn uniongyrchol i unigolion wneud cais am y cymorth £400. Gall y rheiny sydd angen cymorth ychwanegol wrth wneud cais am gymorth ofyn am gymorth gan aelod o'r teulu neu ffrind y gellir ymddiried ynddo.
Mae Gweinidogion y DU yn annog pob aelwyd cymwys i wneud cais cyn gynted â phosibl am eu cefnogaeth, gan hefyd rybuddio aelwydydd i fod yn effro i sgamiau posibl a hysbysu awdurdodau perthnasol lle ceir amheuaeth amdanyn nhw.
Er mwyn gwirio cymhwysedd ac i wneud cais am y cymorth £400, mae angen i bobl chwilio am “Apply for energy bill support if you do not get it automatically" yn y bar chwilio ar GOV.UK neu mewn peiriant chwilio ar y rhyngrwyd.
I gael mwy o wybodaeth, cliciwch ar y dolenni canlynol:
- 900,000 more households to benefit from £400 of government energy bill support - GOV.UK (www.gov.uk)
- Help with your energy bills: If you live in a park, mobile or care home, or off the electricity grid - GOV.UK (www.gov.uk)
Rydym yn gwybod bod costau cynyddol yn her fawr i fusnesau ledled Cymru ar hyn o bryd. Dyna pam rydyn ni'n gweithio gyda'n partneriaid i ddod â'r adnoddau a'r gefnogaeth ymarferol sydd eu hangen i addasu a llywio cost gynyddol gwneud busnes – i gyd mewn un lle.
I gael mwy o wybodaeth, cliciwch ar y ddolen ganlynol Cost Gwneud Busnes | Drupal (gov.wales)