Mae Mis Hanes Anabledd yn gyfle i hyrwyddo cydraddoldeb, amrywiaeth a chynhwysiant yn y gweithle a herio'r stereoteipiau a'r rhwystrau a all eithrio pobl anabl o'r gwaith a'r gymdeithas.
Eleni, mae Mis Hanes Anabledd yn rhedeg rhwng 14eg o Dachwedd a’r 20fed o Ragfyr ac mae'n canolbwyntio ar fywoliaeth a chyflogaeth.
Trwy gydol Mis Hanes Anabledd rydym am godi ymwybyddiaeth am fanteision cyflogi pobl anabl, a thynnu sylw at y gefnogaeth a'r adnoddau sydd ar gael i gyflogwyr.
Gall recriwtio pobl anabl arwain at amrywiaeth o fuddion sefydliadol:
- Mynediad i gronfa recriwtio a thalent ehangach.
- Adlewyrchu'r ystod amrywiol o gwsmeriaid a wasanaethir, a'r gymuned y mae’r sefydliad yn perthyn iddi.
- Llai o ddyddiau sâl. Mae llawer o astudiaethau annibynnol yn cytuno bod gweithwyr anabl ar gyfartaledd yn cymryd llai o ddiwrnodau salwch na gweithwyr nad ydynt yn anabl (UN 2007).
- Gwell enw da corfforaethol.
Nid yn unig cefnogi gweithwyr sydd ag amhariad yw'r peth iawn i'w wneud, ond mae ganddo fwy o fanteision, gan gynnwys buddion ariannol, na recriwtio a hyfforddi staff newydd.
Mae Llywodraeth Cymru yn cynnig ystod eang o adnoddau i gefnogi cyflogwyr i recriwtio a chadw gweithwyr anabl. I ddarganfod mwy, dewiswch y dolenni canlynol:
Cysylltwch a’r Hyrwyddwyr Cyflogaeth Pobl Anabl Llywodraeth Cymru drwy ddanfon e-bost at hcpa@llyw.cymru neu chysylltwch gyda Cynghorwyr Cyflogaeth Pobl Anabl Busnes Cymru: Catherine.Rowland@BusinessWales.org a Lisa.James-Gillum@BusinessWales.org