Mae cyfraddau straen, iselder a gorbryder sy’n gysylltiedig â gwaith wedi cynyddu yn ystod y blynyddoedd diweddar, ac roedd y llynedd yn llawn heriau newydd nad oedd wedi’u hwynebu o’r blaen.
Bydd cydnabod arwyddion straen yn helpu cyflogwyr i gymryd camau er mwyn atal, lleihau a rheoli straen yn y gweithle.
Mae gan gyflogwyr ddyletswydd gyfreithiol i ddiogelu gweithwyr cyflogedig rhag straen yn y gwaith drwy wneud asesiad risg a gweithredu arno. Wrth fynd i’r afael â phroblem yn gynnar, bydd effeithiau’r broblem yn llai.
Os oes gennych chi asesiad risg ar waith eisoes, ystyriwch a ydych chi angen ailasesu’r sefyllfa oherwydd y newidiadau a’r heriau sydd wedi dod yn sgil COVID-19.
Mae gan yr Awdurdod Gweithredol Iechyd a Diogelwch amrywiaeth o ganllawiau a chymorth ymarferol ar gael yn cynnwys templedi asesu risg, pecyn cymorth sgwrsio er mwyn helpu i gychwyn sgyrsiau, llyfrynnau gwaith, posteri, ap symudol newydd ac adnodd awtomataidd newydd i ddangos straen.
Am ragor o wybodaeth ewch i adran straen gwefan yr Awdurdod Gweithredol Iechyd a Diogelwch.
Mae gan Acas, arbenigwyr y gweithle, lawer iawn o adnoddau rhad ac am ddim hefyd er mwyn helpu cyflogwyr, rheolwyr ac aelodau staff i gefnogi iechyd meddwl.
Ewch i’r tudalennau Diogelu Cymru yn y Gweithle ar wefan Busnes Cymru i gael gwybodaeth ar gyfer eich busnes ynglŷn â delio â’r coronafeirws.