Mae’r Adran Gwaith a Phensiynau (DWP) wedi cyhoeddi mwy o fanylion am amserlen dalu’r cylch nesaf o gymorth â chostau byw.
Bydd yr arian i bobl sy’n hawlio budd-daliadau ar sail prawf modd, gan gynnwys pobl sy’n derbyn Credyd Cynhwysol, Credyd Pensiwn a chredydau treth, yn dechrau yn y Gwanwyn ac fe’u telir yn uniongyrchol i gyfrifon banc fesul tri thaliad dros gyfnod y flwyddyn ariannol.
Bydd union ffenestri’r taliadau’n cael eu cyhoeddi yn nes at yr amser, ond maent wedi’u hymestyn dros gyfnod hirach i sicrhau cynnig cymorth cyson trwy gydol y flwyddyn. Bydd y rhain fel a ganlyn, yn fras:
- £301 – Taliad Costau Byw Cyntaf – yn ystod gwanwyn 2023
- £150 – Taliad Anabledd – yn ystod haf 2023
- £300 – Ail Daliad Costau Byw – yn ystod hydref 2023
- £300 – Taliad Pensiynwyr – yn ystod gaeaf 2023/4
- £299 – Trydydd Taliad Costau Byw – yn ystod gwanwyn 2024
Am ragor o wybodaeth, cliciwch ar y ddolen ganlynol Miliynau o aelwydydd ar incwm isel i gael Millions of low-income households to get new Cost of Living Payments from Spring 2023 - GOV.UK (www.gov.uk)
Gwyddom fod costau cynyddol yn her fawr i fusnesau ledled Cymru ar hyn o bryd. Dyna pam rydym yn gweithio gyda’n partneriaid i ddwyn yr holl adnoddau ymarferol a’r cymorth y mae eu hangen i addasu ac ymdopi yn wyneb cost cynyddol gwneud busnes – mewn un man. Am ragor o wybodaeth, cliciwch ar y ddolen ganlynol Cost Gwneud Busnes | Drupal (gov.wales)